Navoiy shahrida Xitoy kapitali ishtirokida tashkil etilgan “TIANCHENG STONE” MChJ tomonidan granit toshlarini qayta ishlash bo‘yicha ikkinchi loyiha ishga tushirildi
Viloyatimizning ijtimoiy-iqtisodiy rivojida investision loyihalar hal qiluvchi ahamiyat kasb etadi. Zero, bu aholi bandligini ta’minlash, ishlab chiqarish salmog‘ining yuksalishi va hudud iqtisodiyotining o‘sishi bilan bog‘liq.
Xususan, 2021-yil yakuni bilan Xitoy kapitali ishtirokida tashkil etilgan “Tiancheng Stoun” xorijiy korxonasi tomonidan qariyb 15 mln. dollarlik granit mahsulotlari ishlab chiqarish loyihasi ishga tushirilib, 400 dan ortiq ish o‘rinlari yaratildi.
Korxona tomonidan 2022-yilda 7,5 mln. dollarlik granit mahsulotlari Rossiya, Tojikiston, Qozog‘iston va Qirg‘iziston davlatlariga eksport qilindi.
Bugun esa ushbu korxona tomonidan zamonaviy texnologiyalar asosida qiymati 17 mln. dollarlik xorijiy investisiyalar hisobiga ikkinchi loyihasi ham ishga tushirildi. Quvonarlisi, 500 dan ortiq ish o‘rinlari yaratiladi.
Ushbu loyiha ochilish marosimida viloyat hokimi Normat Tursunov ishtirok etdi.
