Amerikaning Apple kompaniyasi oʻtgan yilga nisbatan taqqoslaganda daromadi 29 foizga oshgan. Bu haqda kompaniya oʻz saytida chop etilgan bayonotlar orqali tasdiqlaydi.
Xabar berilishicha, uch oylik hisobot 25 sentyabrda yakuniga yetgan. Ushbu davr mobaynida kompaniya 83,4 milliard dollar daromad qilgan. Oʻtgan chorakda esa kompaniyaning sof foydasi 20,5 milliard dollarni tashkil etgandi.
Taʼkidlash kerak, Applening asosiy mahsuloti iPhone boʻlib qolmoqda, smartfonlardan tushgan foyda 3-choraklikda 38,8 milliard dollarga, moliyaviy yilda esa 191,9 milliard dollarga teng.
Maʼlumki, Apple kompaniyasi iPhone, iPad, iMac, MacBook, iPod va boshqa yuqori texnologiyali uskunalarni ishlab chiqarish bilan shugʻullanadi va bu dunyodagi eng yirik korporatsiyalardan biri boʻlib qolmoqda.
Apple kompaniyasining choraklik daromadi 29 foizga oshdi
