Жорий йилнинг 19 август куни Зарафшон шаҳар ФВБ навбатчи диспетчерига МКБга қарашли Марварид кўлида 1977 йилда Самарқанд вилоятида туғилган Б.С. чўмилишга бориб чўкиб кетганлиги тўғрисида хабар келиб тушган. Ушбу фуқаро уша жойда вафот этган.
Ёз фаслининг иссиқ кунларида фуқароларимизнинг кўпчилиги оз бўлсада салқинлаб олиш мақсадида очиқ дарё, канал ва суньий ҳавзаларида чўмилиб ором олишни истайдилар. Сувда чўмилиш яхши албатта, лекин ўт балоси, сув балоси деганларидек кутилмаганда бахтсиз ҳодисаларга ҳам дуч келиб қолишимиз мумкин. Аниқроғи сузишни билмаслик ёки маст ҳолда сувнинг чуқур жойларида сузиб юриш, шунингдек рухсат этилмаган сув ҳавзаларида чўмилиш инсон умрига завол бўлиши табиий ҳолдир.
Чўкиш билан боғлиқ ходисаларни юз бермаслиги учун аввалам бор чўмилиш қоидаларига қатъий риоя қилиш лозим. Бунинг учун биринчи навбатда об хаво қуёшли ва шамол бўлмаган пайтда, хаво харорати илиқ бўлган вақтда сўмилиш тавсия этилади. Қорин оч бўлганда, чанқаганда, яқинда беморликдан турганда, спиртли ичимликлар истемол қилганда, ёлғиз бўлганида ва офтоб уриш холларида чўмилиш мақсадга мувофиқ эмас.
Шунингдек тақиқланган жойларда чўмилиш, ёш болаларни сувда қаровсиз қолдириш, чегараланган белгилардан ташқарига чиқиш, нотаниш жойларга чўмилиш тақиқланади.
