Ижтимоий тармоқлар орқали жорий йилнинг 09 сентябрь куни “Навоийда мактаб директори Халқ таълими бўлимининг босими остида ўзини осиб қўйдими” номли хабар тарқатилган.
Аниқланишича, Конимех туманидаги 2-сонли умумий ўрта таълим мактаби директори М.Э жорий йилнинг 07 сентябрь куни соат 15:00ларда яшаш ҳовлисидаги олма дарахтига арқон ёрдамида ўзини осиб ўз жонига суиқасд қилган вақтда акаси Р.Ф ушбу ҳолатни кўриб қолган ва туман тиббиёт бирлашмаси жонлантириш бўлимига олиб келинган. Ҳозирда беморнинг аҳволи қониқарли.
Конимех туман прокуратураси томонидан ҳодиса жойи кўздан кечирилиб, судга оид тиббиёт экспертизаси тайинланган.
Мазкур ҳолат юзасидан туман прокуратураси томонидан терговга қадар текшириш ҳаракатлари олиб борилмоқда.
