Ижтимоий тармоқларда Навоий вилоят Хатирчи туман давлат солиқ инспекцияси ходими маст ҳолда бир фуқорани уриб юборгани тўғрисида хабар тарқалди. Навоий вилояти прокуратураси мазкур ҳолатга муносабат билдирди.
Хабарга кўра, 1 ноябрь куни соат 17:30 ларда Хатирчи туманида яшовчи солиқ ходими Қ.С ўзининг бошқарувида бўлган “Matiz” автомашинасини бошқариб бораётиб, йўлнинг электроскутерда кесиб ўтаётган Хатирчи туманида яшовчи аёл Т.I. ва унинг вояга етмаган қизи Э.С.ни уриб юборган. ЙТҲ оқибатида Т.I ва Э.С. турли даражадаги тан-жароҳатлар олиб, туман тиббиёт бирлашмасига ётқизилган.
Мазкур ҳолат юзасидан Хатирчи туман прокуратураси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 1-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда
