CОВИД-19 пандемияси дунёда тугашига ҳали анча вақт бор, чунки коронавируснинг янги вариантлари пайдо бўлади. Бу ҳақда кеча, 11 февраль куни Жаҳон соғлиқни сақлаш ташкилоти (ЖССТ) бош олими Соумя Сваминатан Жанубий Африка Республикасига ташрифи чоғида маълум қилди.
«Биз коронавирус қандай ривожланишини ва қандай мутацияга учраганини кўрдик. Биз биламизки, CОВИД-19 нинг янги, кўплаб вариантлари хавотирга сабаб бўладиган янги турлари пайдо бўлади. Биз ҳалига пандемиянинг охирига етганимиз йўқ», дейди ЖССТ вакили.
Сваминатан кеча Жанубий Африканинг Кейптаун шаҳридаги маҳаллий Африген Биологиcс компаниясининг лабораториясига ташриф буюрган ЖССТ Бош директори Тедрос Адҳаном Гебреесус бошчилигидаги ташкилот делегациясининг таркибига кирган.
У Африкада биринчи бўлиб Модерна компаниясининг оммага очиқ бўлган тегишли технологиясидан фойдаланган ҳолда сўнгги РНК (мРНА) технологиясига асосланган коронавирус вакцинасини яратди. Жорий йил охирида янги вакцинанинг клиник синовлари бошланади.
ЖССТ олими пандемия якуни бўйича хавотирли баёнот берди
