2022 yil 9 sentyabr kuni soat 17:00da Karmana tuman tibbiyot birlashmasi yuqumli kasalliklar boʻlimiga 10 nafar voyaga yetmaganlar umumiy holsizlik, qusish va ich ketishi kabi klinik belgilar bilan yotqizilgan.
Ushbu belgilar boʻyicha bemorlarga tuman tibbiyot birlashmasiga qarashli yuqumli kasalliklar boʻlimi tomonidan “oshqozon-ichak faoliyatini buzilishi” tashhisi qoʻyilib, ularning 9 nafariga birinchi tez tibbiy yordam koʻrsatilgan va ahvoli qoniqarli boʻlganligi sababli, kasalxonadan chiqarilgan.
(1 nafar voyaga yetmaganga boshqa kasallik alomatlari oʻtkir resperator, yuqori nafas yoʻllarining shamollashi tashhisi bilan davolanmoqda)
Mazkur holat yuzasidan Karmana tuman prokuraturasi tomonidan tergovga qadar tekshirish harakatlari olib borilayotgan boʻlib, ekspertiza tekshiruvi uchun tegishli namunalar olinib, sud-tibbiy ekspertizasi tayinlangan.
Tergovga qadar tekshirish natijasi boʻyicha qonuniy qaror qabul qilinishi taʼminlanadi.