Bojxona organlarida korrupsiyaga nisbatan murosasiz kurash, korrupsiyaga toqatsizlik pozitsiyasini shakllantirish boʻyicha tadbirlar muntazam ravishda oʻtkazilmoqda.
Xususan, Oʻzbekiston Respublikasi Korrupsiyaga qarshi kurashish agentligi, Davlat bojxona qoʻmitasining Shaxsiy xavfsizlik boshqarmasi va Bojxona instituti masʼul xodimlari tomonidan Navoiylik bojxonachilarga boshqarma shaxsiy tarkibi oʻrtasidagi muhit hamda korrupsiyaviy holatlarni keltirib chiqaradigan omillar borasida navbatdagi sayyor uchrashuvni tashkil etishdi.
Sayyor oʻquv mashgʻuloti davomida:➖ Korrupsiyaga imkon beruvchi sabablar hamda ularni bartaraf etish yoʻllari;➖ Korrupsiyaga qarshi ichki nazorat (komplayens) tizimi;➖ Korrupsion jinoyatlar tahlili toʻgʻrisida batafsil tushunchalar berildi.
Ochiq va samimiy ruhda oʻtkazilgan oʻquv mashgʻulotida xodimlar oʻzlarini qiziqtirgan savollarga javob olishdi va oʻz taklif-mulohazalarini bildirishdi.



