Ҳокимият ички йўлларни таъмирлашда аҳолининг фикрини инобатга олади.
Ўзбекистонда ички йўлларни таъмирлаш жамоатчилик назорати остида бўлади. Бу ҳақда «Норма» хабар берди.
«Шаффоф йўл» онлайн-ахборот платформасида йўллар соҳасидаги очиқ маълумотлар кўринишида жойлаштирилиши лозим бўлган маълумотлар рўйхати тасдиқланди. Шунингдек, туманлар (шаҳарлар) маҳаллий бюджетлари параметрларида назарда тутилган ҳудудий ички йўлларни таъмирлаш учун ажратиладиган маблағларни жамоатчилик фикри асосида белгиланадиган ички хўжалик автомобиль йўлларини таъмирлашга йўналтириш тартиби тўғрисидаги низом тасдиқланди.
Низом қуйидаги қоидаларни ўз ичига олади:
ахборот портали орқали билдирилган жамоатчилик фикридан келиб чиққан ҳолда ички йўлларни таъмирлаш бўйича таклифларни шакллантириш ва молиялаштириш тартиблари бўйича ички йўлларни таъмирлаш таклифларини қабул қилиш ҳар йили 10 январга қадар, ғолиб бўлган таклифни эса овоз бериш йўли билан аниқлаш – 31 январга қадар амалга оширилади;
Туманлар (шаҳарлар) маҳаллий бюджетлари параметрларида назарда тутилган ички йўлларни таъмирлаш учун ажратилган маблағлардан самарали фойдаланишни таъминлаш ва жамоатчилик назоратини ўрнатиш мақсадида ғолиб бўлган таклифларни молиялаштириш учун очилган Ғазначилик ҳисобварақлари иловага илова қилинади, ахборот портали яратилади ва реал вақт режимида фойдаланувчиларга ажратилган маблағлар ва уларнинг сарфланиши ҳақидаги маълумотлар билан танишиш имконияти яратилади.
Ҳокимият ички йўлларни таъмирлашда аҳолининг фикрини инобатга олади.
