Дейлик, сиз яхши бир офисда муҳим ва масъулиятли иш билан шуғулланасиз. Бажараётган ишингиз, минаётган машинангиз, истиқомат қилаётган уйингиз, овқатланаётган ошхонангизда ҳам табиийки, автоматлаштирилган техникалар ўрин олган. Сўнги вақтларда сунъий интеллект технологиялар ҳаётимизда тобора ўз ўрнини мукаммал эгаллаётганига гувоҳ бўляпмиз.РОБОТЛАР ОДАМЛАР ЎРНИНИ БОСОЛАДИМИ?Дейлик, сиз яхши бир офисда муҳим ва масъулиятли иш билан шуғулланасиз. Бажараётган ишингиз, минаётган машинангиз, истиқомат қилаётган уйингиз, овқатланаётган ошхонангизда ҳам табиийки, автоматлаштирилган техникалар ўрин олган. Сўнги вақтларда сунъий интеллект технологиялар ҳаётимизда тобора ўз ўрнини мукаммал эгаллаётганига гувоҳ бўляпмиз.РОБОТЛАР ОДАМЛАР ЎРНИНИ БОСОЛАДИМИ
Робототехника воситалари таннархининг пасайиши ҳар қандай соҳани автоматлашишига сабаб бўлмоқда. Бу кўплаб ишчиларнинг сунъий интеллект технологиялар билан алмаштирилишига олиб келади. Сунъий интеллект технологиялар шу даражада ривожланганки, баъзи соҳаларда у одамнинг тўлиқ ўрнини боса олади. 2025 йилга келиб барча ишлаб чиқариш вазифаларининг 45 фоизини интеллект технологиялар бажаради. Ҳозир бу кўрсаткич 10 фоизга тенг.
ҚАЙСИ КАСБЛАР ЙЎҚОЛИШИ МУМКИН?
Замонавий технология узоқ вақтдан бери банк ходимлари ишини таъқиб қилади. Улар тез орада сунъий интеллект технологияларига ўз ўрнини бўшатиб беришади. Дастлаб, 1961 йилда биринчи банкомат Нью-Йорк банкларининг бирида ўрнатилди. Улар тезда машҳурликка эришди ва энди ҳар қадамда учратиш мумкин. Яқин 5-10 йил ичида қолган банк ходимлари босқичма-босқич аҳолининг янги технологияларга мослаша олмаган қисмига хизмат кўрсатишга ўтади.
Маълумот ўрнида, АҚШда 20 миллиондан ортиқ профессионал ҳайдовчилар мавжуд. Уларнинг катта қисми ўз-ўзини автоматик равишда бошқара оладиган енгил ва юк машиналари билан алмаштирилиши кутилмоқда. Жумладан, жаҳоннинг энг етакчи автокомпаниялари аллақачон синовдан ўтказиш жараёнини бошлаган. “Tesla” компанияси эса ҳайдовчисиз электр юк машиналарини секин аста бозорга олиб киришни бошлади.
Бундан ташқари қишлоқ хўжалигида фермерлар ҳам аллақачон ақлли, ўз-ўзини бошқара оладиган тракторлардан фойдаланишни бошлади.
ЯНА КИМЛАР ИШСИЗ ҚОЛАДИ?
Мижозлар ва харидорлардан маълумотларни олиш билан боғлиқ ҳар қандай иш аллақачон компьютерларнинг ишига айланди. Айнан хизмат кўрсатиш соҳасида сунъий интеллект технологиялар одамлар ўрнини биринчи навбатда эгаллаб олмоқда. Роботларга маош тўлаш шарт эмас. Улар эътиборсизлик туфайли хатога йўл қўймайди. Кайфияти ёмон бўлгани учун мижозга қўпол муносабатда бўлолмайди.
Кўринишидан, молиявий таҳлилчилар катта ақл талаб қиладиган касб тури, аммо барибир у йўқолиб кетиш хавфи остида. Лекин бу ажабланарли эмас. Инсон миясининг салоҳияти қандай бўлишидан қатъи назар, ҳар йили катта ҳажмдаги маълумотларни таҳлил қилиш компьютер тизимларига яхшироқ берилади. Эндиликда, сунъий интеллектдан фойдаланган ҳолда фактларни таҳлил қилиш ва уларга асосланган воқеалар янада тез ва аниқроқ бўлиб бормоқда. Шунинг учун одамга тез орада бу соҳада ўрин қолмайди.
Албатта, бугунги кунда барча шифокорларни роботлар ва сунъий интеллект билан алмаштириб бўлмайди, аммо баъзи функцияларда технология аллақачон шифокорларидан ошиб улгурган. Ривожланишнинг ҳозирги суръатида роботлар операцияларни аллақачон муваффақиятли бажармоқда. АҚШдаги бир нечта клиникаларда сунъий интеллект технологиялар диагностикачи сифатида ишлайди. Кўп ҳолларда диагностиканинг аниқлигини шифокорларга қараганда яхшироқ кўрсатади.
Ўз ишининг мутахассисига ҳар доим иш топилади, яхши ҳақ тўланади. Ҳақиқий санъат асарларини инсонлар яратади. Автоматлаштирилган технологиялардан фойдаланишнинг вазифаси – вақтимиз ва катта кучимизни талаб қилаётган ҳар қандай ишларга кўмаклашишдан иборат. Биз эса ортган вақт ҳисобига муҳим ишларни бажаришимиз мумкин.
Дарҳақиқат, дастурчи, шифокор, психолог, тарбиячи, терговчи, таржимон каби касбларнинг келажаги ҳамиша инсон онги ва ақлига таянсагина ўз натижасини кўрсатади.
