Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси Навоий вилоят ҳудудий инспекцияси инспектори М.Сафаровнинг маълум қилишича, Навоий шаҳридаги Супутник қўрғонида жойлашган кўп қаватли уй-жой фонди ўрганилганда Пушкин кўчаси 4А уйда яшовчи фуқаро томонидан ўзбошимчалик билан кўп қаватли уйнинг ён томонидан ертўла қисмига эшик очиш ниятида қурилиш ишлари бошланганлиги аниқланган.
Ушбу ноқонуний ҳатти-ҳаракат жойида тўхтатилиб, олиб борилган ўзгартиришларни ўз ҳисобидан аввалги ҳолига қайтариш бўйича белгиланган тартибда муддат берилган.Фуқаро томонидан ушбу ишлар тўхтатилган ҳолда бинонинг ён томони аввалги ҳолига қайтарилган.
Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси Навоий вилоят ҳудудий инспекцияси огоҳлантиради: Кўп квартирали уйга туташ ҳудудда ноқонуний равишда қурилмалар қуриш, асосий консрукцияга таъсир этувчи қурилиш ва таъмирлаш ишларини олиб бориш шунингдек, хонадоннинг ички қисмига ўзбошимчалик билан ўзгартириш ва қўшимчалари киритган ҳолда уйнинг зилзила бардошлилигига салбий таъсир этган фуқароларга нисбатан белгиланган тартибда Қонуний жазо кўришга сабаб бўлади.
