Вазир ўринбосари тумандаги 2-, 22-, 44- ва 74-умумтаълим мактабларига бориб, халқ таълими муассасаларининг қиш мавсумига тайёрлиги, таълим сифати, 5 та муҳим ташаббус бўйича олиб борилаётган ишлар самарадорлиги, мактабдан ташқари таълим доирасидаги фаолият билан қизиқди. Шунингдек, туман мактабларида хорижий тилларнинг ўқитилиши аҳволи хусусида маълумотлар олди.
Ваҳобжон Ражапов мактабларнинг педагогик жамоаси ҳамда ўқувчилар билан суҳбатлашиб, уларга яратилган шароитлар, мактаб кутубхоналаридаги дарслик, бадиий адабиётлардан фойдаланиш даражаси ва Халқ таълими вазирлиги томонидан яратилган таълим платформаларини тадбиқ этиш бўйича ўз тавсияларини бериб ўтди. Ўрганиш жараёнида вазир ўринбосарига вилоят халқ таълими бошқармаси масъуллари, туман халқ таълими бўлими мудири ҳамроҳлик қилди.
