Бугун, 14 июль куни “Silk Way West Airlines” хусусий юк ташувчи авиакомпанияси “Боку-Навоий-Гонгконг” йўналиши бўйича илк чартер-юк рейсни амалга оширди.Boeing 747-800 маҳаллий вақт билан 12:48да Навоий халқаро аэропортига келиб қўнди ва бир неча соатдан кейин Гонгконгга жўнаб кетди. Анъанага кўра, самолёт сув аркаси билан кутиб олинди.”Silk Way Airlines” Озарбайжоннинг хусусий юк ташувчи авиакомпанияси бўлиб, бош офиси ва парвозларини Боку шаҳридаги Ҳайдар Алиев халқаро аэропортида амалга оширади. У Европа ва Осиё, Америка Қўшма Штатлари ва Африкани боғлайдиган юк ташиш хизматларини, шунингдек, давлат ва нодавлат ташкилотлари учун хизматларини тақдим этади.Эслатиб ўтамиз, жорий йилнинг июнь ойида Хитойдан Ўзбекистон орқали Европага ва қарама-қарши йўналишидаги рейсларни амалга оширувчи “Sky Taxi” юк авиакомпанияси Тошкентга парвозларни бошлаган эди.
“СИЛК ЙЎЛ“ КОМПАНИЯСИ НАВОЙИГА ИЛК рейсни амалга оширди.
