Навоий вилояти божхона бошқармаси Контрабандага қарши курашиш бўлими ходимлари томонидан мунтазам равишда юртимизга ноқонуний маҳсулотларнинг кириб келиши ва чиқиб кетишининг олдини олиш мақсадида назорат рейд тадбирлари ўтказиб турилади.
Навбатдаги тадбир давомида Б.В. “Навоий – Вунукова” йўналишидаги AZO 9196-сонли авиарейси билан жами 28 минг 350 АҚШ долларини декларация тўлдирмасдан олиб кетаётгани аниқланди.
У ушбу рейс орқали Ўзбекистон Республикасидан чиқиб кетаётган бир неча фуқарога ёзма декларацияланиши мажбурий бўлмаган миқдорда мазкур валюталарни тарқатган.
Ҳозирда 28 минг 350 АҚШ доллари божхона ходимлари томонидан вақтинча сақловга олиниб, тегишли тартибда ҳужжатлаштирилган.
Навоий вилояти божхона бошқармаси ахборот хизмати