Навоий вилояти ҳокимлиги биноси олдида икки нафар номаълум шахс юзига ниқоб таққан ҳолда қўлидаги қурол билан осмонга қарата ўқ узгани акс этган видеотасвир телеграм каналимизга чиқарилган эди
Маълум бўлишича, мазкур видеоролик 2022 йилнинг август ойида тасвирга олинган бўлиб, 7 ноябрь куни кенг тарқалган.
«Ёмон мақсад йўқ эди. Шунчаки қизиқиб, кўрган видеоларимизга тақлид қилиб чиқаргандик. Бундай оқибатларга олиб келишини ўйламагандик», — деди улардан бири.
Қайд этилишича, Навоий шаҳар ИИБ жиноят-қидирув бўлими ҳамда профилактика инспекторлари томонидан жамоат тартибини бузганлар қўлга олинган.
«‘Маскаʼ таққан билан топа олишмайди деб ўйлагандим. Лекин бу бир кунгаям бормади. Қилган ишимдан афсусдаман», — деди иккинчиси.
Ашёвий далил сифатида олинган қурол ўйинчоқ экани аниқланди.
Мазкур ҳолат юзасидан терговолди суриштирув ҳаракатлари давом этмоқда
