ЖУРНАЛИСТ ВА ЭКОЛОГЛАР “НАВОИЙ” ЭРКИН ИҚТИСОДИЙ ЗОНАСИДА

Ўзбекистон Журналистлар уюшмаси Навоий вилояти бўлими, вилоят Экология ва атроф-муҳитини муҳофаза қилиш бошқармаси, вилоят ҳокимлиги Ахборот хизмати ҳамда вилоят Ахборот ва оммавий коммуникациялар бошқармаси ҳамкорлигида вилоятдаги ОАВ вакиллари ва блогерлар учун “Навоий” эркин иқтисодий зонасидаги саноат корхоналарини атроф-муҳитга таъсирини камайтириш бўйича олиб борилаётган чора-тадбирлар ҳамда “Яшил макон” умуммиллий лойиҳаси доирасида қилинаётган ишлар юзасидан матбуот анжумани ҳамда пресс-тур ташкил этилди.

Дастлаб журналистлар учун “Навоий” эркин иқтисодий зонаси дирекцияси фаоллар залида матбуот анжумани ташкил этилиб, вилоят Экология ва атроф-муҳитини муҳофаза қилиш бошқармаси бошлиғи в.в.б Х.Бақоев анжуман иштирокчиларига атроф-муҳитни муҳофаза қилиш, экологик хавфсизликни таъминлаш ва “Яшил макон” умуммиллий лойиҳаси доирасида амалга оширилаётган ишлар юзасидан маълумот берди.

Матбуот анжуманида таъкидландики, бугунги кунда вилоятда тўғридан-тўғри атмосфера ҳавосига чанг-газлар ташлаб келаётган 36 та корхона иш фаолиятида чанг-газ тозалаш ускуналарисиз ишлаб келмоқда. Бу корхоналар асосан пишган ғишт, оҳак ишлаб чиқариш ҳамда умумий овқатланаш (кабобхона) корхоналар сирасига киради.

Навоий вилоятидаги хавфи юқори бўлган 20 та корхоналарда ҳар ойда атмосфера ҳавосини муҳофаза қилиш бўйича мониторинг ишлари амалга оширилиб борилмоқда. Айни пайтда бу боадаги ҳар бир жараён экологлар диққат-эътиборида.

Шунингдек, матбуот анжуманида “Яшил макон” умуммиллий лойиҳаси доирасида амалга оширилаётган ишларга ҳам атрофлича тўхталиб ўтилди. Жумладан, 2021 йилнинг ноябрь-декабрь ойларида 5 миллион 540 минг дона кўчат турлари экилган бўлса, жорий йил баҳор мавсумида вилоят ҳудудида 8 миллион 790 минг дона манзарали, мевали дарахт ва бута кўчатлари ҳамда терак қаламчалар экилиши режалаштирилиб, амалда 9 миллион 292 минг дона кўчатлар экилиши ташкил этилди.

Хусусан, маҳаллалар ва бошқа объектлар ҳудудларида 2 миллион 101 минг дона, фермер хўжаликлари экин ер майдонлари четларига 2 миллион 594 минг дона, ижтимоий соҳа объектлари ҳудудларида 581 минг дона, автомобиль йўллари ёқасига 98 минг дона ва бошқа объектларга 3 миллион 918 дона кўчатлар ўтқазилди.

Жорий йилнинг баҳор мавсумида экилган дарахт кўчатлари электрон платформага киритилди ва Навоий вилояти Экология ва атроф-муҳитни муҳофаза қилиш бошқармаси томонидан 9 миллион 292 минг донаси тасдиқланди. Вилоят бўйича 11 та шаҳар ва туманларда 8,8 км узунликдаги намунавий кўчалар ташкил этилди.

Матбуот анжумани доирасида бошқарма мутахассислари томонидан атроф-муҳит ифлосланишининг янги инновацион технологиялари намойиши ҳам амалга оширилиб, эндиликда бу замонавий ускуналар орқали ҳар қандай корхонадаги чанг ва ифлос ҳаво миқдори аниқланиш имконияти яратилди.

Шундан сўнг, журналист ва блогерлар учун “Навоий” эркин иқтисодий зонасидаги корхоналарнинг экологик хавфсизлиги бўйича амалга ошираётган ишлар юзасидан пресс-тур ташкил этилди.

Отабек АСЛОНОВ

Total
0
Shares
Олдинги Янгилик

Навоийда МТТ тизими ходимларининг август конференцияси бўлиб ўтди

Кейинги Янгилик

НОҚОНУНИЙ ДОРИ ВОСИТAЛAРИ СAВДОСИНИНГ ОЛДИ ОЛИНДИ

Мавзуга оид

Савдо-саноат палатаси Навоий вилояти бошқармаси бошлиғи фирибгарлик ва пора беришда гумонланмоқда

Kun uz манбасига кўра, лавозимига тайинланганига бир ой бўлган Мерей Омонбоевага нисбатан жиноят иши қўзғатилган. Савдо-саноат палатаси Навоий…
Батафсил

1-майдан электр энергияси ва газ тарифларини ошириш, шунингдек, ижтимоий нормаларни жорий этиш режалаштирилмоқда.

2024 йил 16 апрель куни Ўзбекистон Республикаси Вазирлар Маҳкамасининг “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида” ги…
Батафсил

Навоий шаҳар

Қурилиш вазирлиги томонидан ноқонуний деб топлиб расмий муносабат билдирган объектда қурилиш ишлари жадал суратларда давом этмоқда(ми)? Бу борада…
Батафсил