Nomzod oʻz taqdimotida bu boradagi rejalarini koʻrsatdi.
Davlatimiz rahbari mutasaddilarga:
- kelgusi yilda Xatirchi, Karmana, Navbahor, Qiziltepa va Nurotadagi 72 ta mahalla atrofidagi 5 ming gektarda suv taʼminotini yaxshilab, uzumzor va mevali bogʻlar barpo etishga 4 million dollar yoʻnaltirish;
- kelgusi yilda Konimex, Tomdi va Uchquduq yaylovlarida quduq qazishga 10 milliard soʻm subsidiya ajratish;
- 1,5 ming gektarda yaylov oʻsimliklari urugʻchiligi xoʻjaligi hamda 5 ming gektarda kavrak plantatsiyalarini barpo etish;
- dala va yoʻl chetlarida 6 million dona tut koʻchatini ekish va ipakchilikda 58 ming aholi bandligini taʼminlash;
- kelgusi yilda qorakoʻlchilik va qoʻychilik loyihalariga 20 million dollar ajratish;
- kelgusi yilda 10 million dollar investitsiya hisobidan Karmana va Xatirchida agrologistika markazlarini ishga tushirish;
- 500 ming gektar yaylovlarda yoshlar bandligini taʼminlash dasturini qabul qilish;
- dastur doirasida loyihalarga 15 million dollar hamda quduq qazishga qoʻshimcha 20 milliard soʻm subsidiya ajratishga topshiriq berdi.
